Presidenti Ilir Meta ka reaguar pas lajmit se kryeministri britanik, Boris Xhonson është shtruar në spital për t’ju nënshtruar kontrolleve mjekësore.
“Me shqetësim po ndjek gjendjen aktuale shëndetësore të z.Boris Johnson, Kryeministrit të Britanisë së Madhe, këtij vendi mik e partner shumë të rëndësishëm të Shqipërisë”, shkruan Meta.
Ai i uron kryeministrit britanik shërim dhe kthim sa më të shpejtë në krye të angazhimeve të tij nga të cilat Meta nënvizon edhe forcimin e marrëdhënieve mes dy popujve tanë.
“Duke i uruar shërim të shpejtë dhe të plotë, i shpreh solidaritetin dhe mbështetjen time gjatë këtyre ditëve të vështira për të dhe familjen e Tij! Shpresoj që Kryeministri Johnson të kthehet së shpejti me energji të reja në krye të angazhimeve të Tij tepër të rëndësishme, në dobi edhe të forcimit të mëtejshëm të marrëdhënieve mes dy vendeve e popujve tanë!”, mbyll Presidenti Meta mesazhin e tij. /Opinion.al
