Ministria e Shëndetësisë është bërë me tre zëvendës ministra.
Kryeministri Edi Rama ka firmosur dje emërimin e Albert Nikollës në postin e zëvendësministrit të Shëndetësisë.
Pas Mira Rakacollit dhe Bardhylka Kospirit ai bëhet zëvendës ministri i tretë në ministrinë e drejtuar nga Ogerta Manastirliu.
Albert Nikolla ka qenë këshilltari i Kryeministrit Edi Rama për çeshtjet sociale dhe ka qenë mjaft aktiv në realizimin e “Paktit për Universitetin”.
Ai emërohet në një kohë që shëndetësia po përballet me sfidat e vështira të pandemisë së koronavirusit.
“Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave vendosi: Albert Nikolla emërohet zëvendësministër i Shëndetësisë dhe Mbrojtjes Sociale.
Ky vendim hyn në fuqi menjëherë”, thekson vendimi i Qeverisë. /Opinion.al
