Bota

Shefi gjerman i mbrojtjes: Rusia mund të hapë një front të dytë lufte



Bëhu pjesë e Grupit Zyrtar të Opinion.al
>> KËTU <<
               Publikuar në : 18:12 - 31/08/22 |
Opi Nion

Shefi i mbrojtjes së Gjermanisë ka paralajmëruar Perëndimin se nuk duhet të nënvlerësojë forcën ushtarake të Moskës, duke thënë se Rusia ka mundësinë për të hapur një front të dytë lufte nëse vendos ta bëjë këtë.

“Pjesa më e madhe e forcave tokësore ruse mund të jetë e vendosur në Ukrainë për momentin, por, megjithatë, ne nuk duhet të nënvlerësojmë potencialin e forcave tokësore ruse për të hapur një front të dytë lufte,” tha gjenerali Eberhard Zorn.

Përtej ushtrisë, Rusia ka gjithashtu një forcë detare dhe ajrore në dispozicion, shtoi ai.

“Pjesa më e madhe e marinës ruse nuk është përfshirë ende në luftën kundër Ukrainës dhe forcat ajrore ruse kanë ende një potencial të rëndësishëm, i cili përbën një kërcënim edhe për NATO-n,” tha Zorn.

Ndër të tjera, Zorn tha se rusët kanë në dispozicion sasi të mëdha municionesh edhe pse të vjetra.

“Rusët kanë në dispozicion sasi të mëdha municionesh”, tha ai. “Ky municion është pjesërisht i vjetër dhe shumë i pasaktë, por është pikërisht kjo që shkakton shkatërrim të madh në infrastrukturën civile. Ata gjuajnë rreth 40,000 deri në 60,000 fishekë artilerie në ditë.”

Më tej, Zorn tha se nuk parashikonte ndonjë ofensivë të gjerë në thellësi të territorit ukrainas për momentin.

Ai tha gjithashtu se forcat ruse janë aktualisht të përqendruara në pushtimin e Donbasit, rajoni industrial i Ukrainës lindore ku separatistët e mbështetur nga Moska tashmë mbajnë pjesë të territorit./Opinion.al

 

Pas