Bota

SHBA-ja dhe talibanët arrijnë marrëveshje për ndalimin e sulmeve


Bëhu pjesë e Grupit Zyrtar të Opinion.al
>> KËTU <<
               Publikuar në : 21:29 - 14/02/20 |
xhu lia

Shtetet e Bashkuara kanë arritur marrëveshjen me talibanët për uljen e dhunës për një javë, proces, i cili më vonë mund të rezultojë me tërheqjen e trupave amerikane nga Afganistani.

Një zyrtar i administratës amerikane është shprehur për gazetarët në Konferencën për Siguri në Mynih se marrëveshja për uljen e shkallës së dhunës ende nuk ka nisur të zbatohet në praktikë.

Ky njoftim ka ardhur pas një takimi të realizuar në mes të Sekretarit amerikan të Shtetit, Mike Pompeo, Sekretarit amerikan të Mbrojtjes, Mark Esper dhe presidentit afgan, Ashraf Ghani gjatë të të premtes.

Një ditë më parë, presidenti amerikan, Donald Truump ka thënë se “ka mundësi të mira” për arritjen e një marrëveshjeje me talibanët në zvogëlimin e numrit të trupave amerikane, pas gati dy dekadash luftë.

Nga një marrëveshje që rezulton me largimin e madh të trupave amerikane, mund të përfitojë presidenti Trump, i cili vazhdimisht është zotuar për dhënie fund të “luftërave të pafundme”, teksa synon të fitojë edhe një mandat si president.

Zyrtari i lartë i administratës, i cili ka folur në kushte anonime, ka thënë se marrëveshja e arritur mbulon gjithë Afganistanin dhe duhet të zbatohet edhe nga forcat afgane, pavarësisht se qeveria afgane është përjashtuar nga bisedimet në mes të Shteteve të Bashkuara dhe talibanëve në Katar.

 

Pas