Pesë persona kanë mbetur të vdekur dhe më shumë se dyzet janë plagosur pasi një makinë i përplasi në një paradë në shtetin amerikan të Wisconsin, thotë policia.
Pamjet nga vendngjarja tregojnë një makinë sportive, SUV të kuq duke përplasur njerëzit, nëpër një paradë të Krishtlindjeve në qytetin e Waukesha, në perëndim të Milëaukee, rreth orës 16:40 me kohën lokale (22:40 GMT).
Shefi i policisë Dan Thompson tha se si pasojë e sulmit u goditën dhjetëra njerëz, përfshirë fëmijë.
Një person ndodhet në paraburgim lidhur me ngjarjen. Ndërsa një zyrtar tha se incidenti nuk duket “për momentin” të jetë një akt terrorizmi.
I dyshuari dukej se ishte duke ikur nga një tjetër ngjarje kur u përplas me njerëzit në paradë, tha zyrtari i zbatimit të ligjit – partnerit amerikan të BBC-së, CBS News.
Banori i zonës Angelito Tenorio i tha gazetës Milwaukee Journal Sentinel se sapo kishte përfunduar marshimin në paradë kur “dëgjuam një zhurmë të fortë dhe vetëm klithma dhe britma nga njerëzit që u goditën nga automjeti”./Opinion.al
BREAKING: Mass Causality Incident declared after car runs through #Christmas parade in downtown Waukesha, #Wisconsin pic.twitter.com/X7ls3TTTVy
— BlackMarzMedia??✊?⚡️ (@BlackMarzMedia) November 21, 2021
