Sergi Roberto: Dëshiroj të ndjek hapat e Andres Iniestas dhe Lionel Messit

Mbrojtësi Sergi Roberto ka nënshkruar ditën e sotme rinovimin e kontratës me skuadrën e Barcelonës deri në vitin 2022.
Me nënshkrimin e kontratës së re mbrojtësi do të ketë një klauzolë largimi prej 500 milionë euro.
“Gjithmonë kam dashur të qëndroj këtu sepse jam këtu që nga fëmijëria ime. Po, klubet tjera kanë shfaqur interesim, por jam i lumtur që do të vazhdojë të jem këtu deri më 2022. Shpresoj se nuk do të jetë rinovimi i fundit ky”, ka thënë mbrojtësi i krahut të djathtë pas nënshkrimit të kontratës.
“Dëshira ime është të pensionohem këtu. Uroj t’i ndjek hapat e Andres Iniestas dhe Lionel Messit. Jam ende i ri dhe kam një karrierë të gjatë përpara” përfundoi mbrojtësi i Barcelonës.
Sergi Roberto u bashkua me Barcelonën që në moshën 14 vjeçare dhe deri më tani ka luajtur plot 12 vite me këtë ekip.