Mediat serbe kanë bërë të ditur lajmin se një pjesë pallatit “Albania”, në Beograd është nxjerr në shitje.
Ata shkruajnë se pallati “Albania” është ndërtesa e parë më e lartë në Beograd dhe është ndërtuar në vitin 1939. Ndërtesa ka qenë prej kohësh më e larta në Beograd dhe e dyta në Evropën Juglindore. Mësohet se një pjesë e pallatit “Albania”, pra 381 metra katrorë, është vlerësuar në 3.88 milionë euro dhe është ofruar për shitje.
Tre muaj më parë u vu në shitje 381 metra katrorë hapësirë për zyra në pallatin “Albania”. Tenderi u shpall në janar. Kjo pjesë e objektit nuk është shitur ende, raporton Kronika e Beogradit.
Duke qenë se ndërtesa e pallatit “Albania” është e bankës së falimentuar të Beogradit, kjo ndikon në shitjen.
Administratori i bankës së falimentuar Mijo Stanarçeviq shpjegon se bëhet fjalë për një shitje në masën 50 për qind të vlerës së parashikuar, e cila është specifike në raport me shitjen në tregun e lirë dhe që është shumë tërheqëse për blerësit potencial.
Godina e pallatit “Albania” është shpallur pasuri kulturore në vitin 1984, por ajo mund të vihet në funksion.
Në këtë rast pronari i pasurisë së paluajtshme duhet që fillimisht t’ia ofrojë objektin Institutit të Mbrojtjes së Monumenteve me të njëjtin çmim tregu si blerësit e tjerë, të cilët mund të jenë persona juridikë dhe fizikë, vendas dhe të huaj./Opinion.al
