Policia e Tiranës ka arrestuar 2 persona dhe ka shpallur në kërkim 3 të tjerë pasi akuzohen për vjedhje biçikletash.
Policia deklaron se ka zbardhur dhjetëra raste të vjedhjeve të biçikletave në Tiranë, ndërkhë ka sekuestruar 66 biçikleta të modeleve dhe madhësive të ndryshme.
Të arrestuarit janë identifikuar mr inicialet A. F., 30 vjeç dhe D. F., 30 vjeç (vëllezër), të dy banues në Tiranë. Si dhe u shpallën në kërkim shtetasit E. P., 17 vjeç, E. D., 24 vjeç dhe A. B., 25 vjeç, me precent të mëparshëm penal në fushën e vjedhjes.
Shtetasit E. P., E. D. dhe A. B., në bashkëpunim me njëri-tjetrin kryenin vjedhje të biçikletave në të gjithë qarkun e Tiranës dhe më pas ia shisnin kundrejt vlerave të vogla monetare, shtetasve A. F dhe D. F.
Në kuadër të këtij operacioni u procedua penalisht edhe shtetasi i mitur me iniciale E. K., 12 vjeç, pasi më datë 09.10.2020, ka vjedhur biçikletën e shtetasit E. P.
Gjatë kontrollit të ushtruar në dy ambiente të ndryshme në pronësi të shtetasve A. F. dhe D. F., u gjetën dhe u sekuestruan në cilësinë e provës materiale 66 biçikleta të modeleve dhe madhësive të ndryshme të vjedhura në vende dhe kohë të ndryshme në Tiranë.
Materialet i kaluan Prokurorisë së Rrethit Gjyqësor Tiranë, për veprime të mëtejshme, për veprat penale “Vjedhja” e kryer në bashkëpunim” dhe “Pastrimi i produkteve të veprës penale ose veprimtarisë kriminale”./ Opinion.al
