Këngëtari i njohur i muzikës xhamajkane, Sean Paul është bërë babai i një djali.
Ai e ka bërë të ditur këtë lajm për ndjekësit me anë të një fotoje familjare të publikuar në llogarinë personale të Instagramit teksa shihet edhe me bashkëshorten Jodin si dhe djalin e porsalindur, të cilin e ka pagëzuar me emrin Levi Blaze Henriques.
“Ja ku u bëmë tre. Një duartrokitje për tim bir, shefin e vërtetë, Levi Blaze Henriques dhe gruan time, Jodi Stewart”, ka shkruar 44-vjeçari në Instagram.
Sean Paul është i njohur për këngët më të suksesshme si “Cheap Thrills”, një bashkëpunim me SIA, dhe “No Lie”, bashkëpunim me këngëtaren shqiptare Dua Lipa.
Hiti i këtyre dyve ka marrë deri më tani mbi 60 milionë klikime në YouTube.
