Sekretarja për media e Shtëpisë së Bardhë, Sarah Sanders tha se ajo beson se Zoti ka dashur që Donald Trump të fitojë zgjedhjet e vitit 2016 e të bëhet president.
“Mendoj se Zoti kërkon nga ne që të marrim role të ndryshme në periudha të ndryshme dhe mendoj se ai ka dëshiruar që Donald Trump të bëhet president, prandaj ai është aty”, ka thënë ajo.
Sipas CNN, Sanders i bëri këto komente në një intervistë për Rrjetin e Krishterë të Transmetimit (CBN).
Sekretarja për media po ashtu mësohet të ketë thënë se “është shumë e vështirë” që të marrësh mësime për moralin nga Partia Demokratike.
Deklarata e saj ka ardhur pasi demokratët e kanë cilësuar të pamoralshëm propozimin e presidentit amerikan për ndërtim të murit me Meksikën./E.M
