Drejtoresha e re e Autoritetit Rrugor Shqiptar, Sonila Qato, ka bërë të ditur në një komunikim të fundit mediatik, se janë skualifikuar nga gara të gjithë kompanitë ofertuese për ndërtimin e Unazës së Re.
Qato është shprehur se gara do të rihapet edhe njëherë për operatorët që janë të interesuar për të marrë pjesën në garë.
Skualifikimi sipas Qatos erdhi për shkak të mospërmbushjes së kritereve.
Gara për ndërtimin e Unazës së Re, u hap pas skandalit me kompaninë “DH Albania” e cila ishte një nga kompanitë që kishte fituar të drejtën për ndërtimin e lotit të parë të Unazës; kompani e cila tashmë është në hetim për falsifikim të dokumenteve të paraqitura në ARRSH.
Drejtoresha e ARRSH-së tha se nuk do të ketë anullim të projektit.
Ndërkohë që në Unazën e Re, vazhdon prej të paktën 3 muajsh protesta e banorëve që janë kundër shembjes së shtëpive pa u dëmshpërblyer. D.l
