Kryeministri Rama ka reaguar pak minuta pasi kreu i PD, Sali Berisha, njoftoi se do të organizojë një protestë më 16 maj, në ditën kur do të zhvillohet Samiti i Komunitetit Politik Europian në kryeqytet.
Përmes një postimi në rrjete sociale, Rama “i drejtohet” Skënderbeut teksa i thotë se më 16 maj mblidhen nga të katër anët e Europës në sheshin tënd e tij të gjithë liderët europianë.
Më tej thekson se stërnipërit e Skënderbeut do të jenë të gjithë krenarë për emrin e Shqipërisë, që do të shqiptohet në të gjitha gjuhët e botës.
“Më 16 maj të gjithë ata do të mblidhen nga të katër anët e Europës në sheshin tënd o Mbret dhe ne, stërnipërit e tu do të jemi të gjithë krenarë për emrin e Shqipërisë tonë, që do të shqiptohet në të gjitha gjuhët e botës”, shkruan Rama.
