“Sa shumë të prita bir”, mesazhi përlotës i nënës në ditëlindjen e Sokol Olldashit

Nëna e ish ministrit të ndjerë Sokol Olldashit Kozeta Mamaqi, ka kujtuar me një mesazh prekës ditëlindjen e 45-të të djalit të saj.

Ajo ndan dhimbjen e madhe dhe mallin e pafund, shkruan se i ka bërë ëmbëlsirën e tij të preferuar me të cilën ka gostitur miqtë e tij, që vazhdojnë ta duan. Mamaqi tregon sa shumë e ka pritur dhe sa dëshirë ka për një përqafim prej tij.

Ja mesazhi prekës  i Kozeta Mamaqit

E si mund të bëhet ditëlindja jotë pa ty bir? 45 do të mbushje sot… Të përgatita edhe ëmbëlsirën tënde të preferuar…

Gostita me të ata që erdhën, ata që vijnë të të duan, miqtë e tut ë fëmijërisë, të cilëve u mungon shumë. Sa shumë të prita bir…

Sa dëshirë për atë përqafim të ngrohtë…

Do vijoj të të pres gjersa të jap frymë e të të vij pranë e të kujdesem për ty, sikurse më parë… Mall… dhimbje…dhe përsëri mall pafund…”