Policia ka finalizuar operacionin “Kolaudimi”, ku tre persona janë vënë në pranga dhe dy të tjerë janë shpallur në kërkim pasi nëpërmjet ryshfeteve kolaudonin makina jashtë standardeve teknike në Laç.
“Specialistët e Seksionit kundër krimit Ekonomiko – Financiar në Drejtorinë Vendore të Policisë Lezhë, nga informacionet e siguruara në rrugë policore dhe mbi bazën e dyshimit të arsyeshëm se tek pika e kolaudimit në Laç kaloheshin makina jashtë standardeve teknike kundrejt ryshfetit, në vitin 2018 kanë referuar pranë Prokurorisë së Rrethit Gjyqësor Kurbin materiale hetimore”, njofton policia.
Është vendosur masa e arrestit me burg për 22-vjeçarin me iniciale S.K., ndërsa M.K., 50 vjeç dhe I.D., 49 vjeç janë lënë në arrest shtëpie. Nga ana tjetër, janë shpallur në kërkim D.A., 47 vjeç dhe Gj.A., 33 vjeç, të dy të dënuar me arrest me burg.
“Në cilësinë e proves materiale u sekuestrua një mjet jashtë standarteve teknike, i kaluar në kolaudim pa probleme dyshuar kundrejt ryshfetit”, njofton policia./Opinion.al
