Një ndihmës i Vladimir Putinit ka thënë se Ngushtica e Hormuzit është e hapur për Rusinë.
Yuri Ushakov është cituar në mediat shtetërore ruse të ketë thënë se Ngushtica është e hapur për Rusinë, pavarësisht se është praktikisht e mbyllur për shumicën e anijeve.
Sipas Organizatës Ndërkombëtare Detare, gati 2,000 anije janë bllokuar brenda Gjirit Persik, megjithëse disa anije me lidhje me Iranin, Kinën, Indinë dhe Pakistanin ia kanë dalë të kalojnë.
Më parë, Mbretëria e Bashkuar dhe më shumë se 40 vende thanë se Irani po përpiqet të “mbajë peng ekonominë globale”.
“Ata nuk duhet të triumfojnë. Për këtë qëllim, partnerët sot bënë thirrje për rihapjen e menjëhershme dhe pa kushte të ngushticës dhe respektimin e parimeve themelore të lirisë së lundrimit dhe ligjit të detit”, thuhej në deklaratë.
