Deputetja Rudina Hajdari thotë se vendimin e Presidentit Ilir Meta për anulimin e datës së zgjedhjeve lokale e gjykon vetëm Gjykata Kushtetuese. Në seancën plenare, Hajdari tha se ky mocion për debat bëhet vetëm për shantazh.
“Fakti që nuk kemi Gjykatë Kushtetuese është një fatkeqësi e madhe. Kjo është thelbi që shqiptarët po shikojnë një tragjedi. Gjykata është organi i vetëm që konstaton këtë lloj shkelje”, tha Hajdari.
Pyetje të shumta ajo ngrit dhe për Presidentin, pse mori këtë vendim.
“Pse mendon Presidenti që me këtë veprim ai e zgjidh krizën? Nëse thotë se ky veprim ëshët bërë si akt patriotik, nëse palët nuk ulen bashkë për një datë tjetër a nuk e fusim ne vendim në krizë? Çfarë do ndodhë nëse ne nuk arrijmë të gjejmë një zgjidhje?”, tha deputetja ndërsa hodhi akuza të forta se dhe mazhoranca është palë me të.
“Më falni zoti President nëse gruaja juaj është palë e opozitës, kjo palë është bërë pjesë e ktij konflikti atëherë nuk është ky konflikt i pastër personal. Zoti Meta u zgjodh nga ky parlament si President, më flani pse e zgjodhët? Doni të zgjasnit pushtetin e tij politik. A nuk ishte atëherë në konflikt interesi, ndërkohë që ai zgjodhi gruan e tij kryetare të LSI. Ky është një akt që nuk duhet të ndodhi në një vend demokrati. Maxhoranca u bë palë me LSI, që të zgjasni pushtetin tuaj”.
Rudina Hajdari pati dhe një koment për veprimin e presidentit ditën e hënë, kur dhe firmosi zhdekretimin e datës së zgjedhjeve, duke bërë me duar shqiponjën.
“E bëmë për hir të kombit, nuk mund të thotë presidenti që unë jam më patriot se ju. Më vjen për të qeshur kur e kuptoj”.
Gjithashtu në fund ajo tha: “Muajin tjetër do të kemi zgjedhje. Por a ja vlejti që opozita të digjte mandatet, a ja vlejti barra qiranë? Absolutisht jo. E gjitha bëhet që këta të tre të ulen dhe të zgjasin pushtetin e tyre”./ Opinion.al
