Kryesore

Fino: Gabim që votuam Metën, ta lëmë të vazhdojë. Spiropali poetike


               Publikuar në : 11:55 - 13/06/19 |
Al Do

Deputeti i Partisë Socialiste, Bashkim Fino e konsideroi antikushtetues vendimin e presidentit Ilir Meta. Për ish-kryeministrin Fino, presidenti është duke mohuar të drejtën zgjedhore të shqiptarëve. Ai akuzoi se akti i Metës është një kërcënim në emër të PD dhe LSI. Gjithsesi për deputetin e PS shkarkimi i presidentit është një kërkesë militantësh e cila atij nuk i duket zgjidhje.

“Presidenti ka kërcënuar shqiptarët duke lajmëruar nga podiumi i presidencës se nëse PD dhe LSI nëse nuk hyjnë në zgjedhje do të ketë luftë, si e kërcënon kështu popullin tënd? Ky është atentati më i madh që i është bërë sovranit e popullit. Si ish kryeministër në një moment shumë të vështirë dhe deputet për një kohë të gjatë unë e di që pluralizmi është instrumenti i sovranitetit që ushtrohet nga zgjedhjet. Shumë militantë do të donin që presidenti të shkarkohej sot, dhe i mirëkuptoj, janë po ata që na panë me inat kur e votuam, por them se gabimin që kemi bërë nuk e thellojmë duke e shkarkuar, le ta lëmë atë ta thellojë deri në fund”, tha Fino.

Nga ana Ministrja e Shtetit për Marrëdhëniet me parlamentin, Elisa Spiropali ishte me pak juridike dhe më shumë poetike në fjalimin e saj. Duke cituar Nolin ajo tha se Presidenti është bërë palë me opozitën dhe se po tentojnë të rrëzojnë demokracinë. Ajo akuzoi gjithashtu kreun e shtetit se po përfaqëson interesat e LSI në zyrën e presidentit. Spiropali e cilësoi ‘pseudokrizë’ situatatën politike aktuale në Shqipëri dhe se përplasja civile të cilën kërkon të shmangë Presidenti, është ideuar në shtëpinë e tij.

“Sali Berisha, Ilir Meta, Lulzim Basha e Monika Kryemadhi i janë vërsulur shtetit me një brutalitet të pashoq. Me Atdheun në gojë e helmin në bark kjo çetë kërkon ti verë minat sistemit demokratik në vend. Këtë aktivitet kriminal e ideojnë dhe ushtrojnë në bashkëpunim. Qëllimi: Mposhtja e shtetit, e kaosi. Arsyeja: Frika nga zgjedhjet. Kërkojnë të na bindin se djegia e mandateve është akt heroik, zhdekretimi, akt prej burri shteti. Në fakt është një atentat i pastër kushtetues që sulmon republikën, cënon të drejtën e zgjedhjes së shtetasve, janë e drejtë e qytetarëve. Më 30 qershor do përballen me murin e ligjit ku do thyejnë hundër. Ilir Meta shkeli parimin e unitetit kombëtar, dëshmoi se mund të nxjerrësh presidentin nga kulla, po jo të shkulësh LSI nga zyrat më të larta të shtetit. Shkeli parimet. Ilir Meta nuk do t’ia dijë synon të zgjidhë një pseudokrizë. E ka të qartë se janë 42 parti që janë regjistruar, si e shkel këtë të drejtë. Tenton të justifikojë duke thënë se po shmang përplasjen civile, cilën atë që ideoi në shtëpi? “ tha Spiropali.

“Krisi pushka e gjëmoi moti
Kujton austriaku se u bë qiameti,
Nuk është kiamet po është murtanë,
Vjen Kavaja me gjithë Tiranë
Gajret çuna dhe ju faltë Zoti,
se Princ Vidin se zë moti.
Se Princ Vidin se zë moti,
kemi lejnun o prej baroti
Mal mbi mal këndon bilbili
Trim mbi trima Haxhi Qamili
Haxhi baba me vegjëli, qiti vidin me 12 mij”, përfundoi Ministrja e Shtetit për Marrëdhëniet me Parlamentin. /Opinion.al

 

Pas