-U tha në Opinion

Rudina Hajdari: Pse nuk firmosa marrëveshjen, ne duam ndryshim sistemi


               Publikuar në : 22:24 - 14/01/20 |
Geljano Fataj

Deputetja Rudina Hajdari, që përfaqësonte opozitën e re takimin e kësaj të marte për reformën zgjedhore tregoi pse nuk firmosi marrëveshje.

Në emisionin Opinion, ajo deklaroi: “E para nuk e di si janë mësuar këta por unë jam mësuar t’i lexoj njëherë dokumentet, si do aplikohet pastaj nëse do firmoset apo jo.

Në parim kam qen dakord me tryezën për të bërë bashkëpunim me palët por nga ana tjetër është për tu parë pasi ka mangësi të vogla dhe duhet ta diskutoj me kolegët e mi”.

E pyetur për presion nga ambasadat, zonja Hajdari deklaroi: Presioni është një fabul pasi nuk kemi nevojë të kemi presion nga askush.

“E para ai dokument nuk është në mënyrë korrekte nga ana juridike. Ajo që është e rëndësishme për mua dhe shoqërisë civile është për ndryshimin e sistemit”, theksoi më tej ajo.

Para arritjes së marrëveshjes së të martës, PD dhe PS bënë të qartë se në tryezë nuk është duke u diskutuar një ndryshim i sistemit zgjedhor të proporcionalit rajonal me lista të mbyllura, i cili u vendos me marrëveshje mes Edi Ramës dhe Sali Berishës në vitin 2008./ Opinion.al

Pas