Analisti Preç Zogaj, sonte, deklaroi se dy votat e dala nga opozita në favor të kandidaturës së Gramoz Ruçit për kreun e Kuvendit të Shqipërisë, bënë një zhurmë më të madhe sa meritonte ngjarja. Këtë deklaratë, Zogaj e bëri në studion e emisionit Opinion në TV Klan, ndërsa theksoi se “franchi taratori”, një term i huazuar nga italishtja, janë problem jo vetëm për politikën shqiptare, por për Italinë, Francën dhe madje edhe SHBA-në.
Zogaj tha se këto votime të fshehta nëse janë përcaktuese, mund të lexohen si shitje votash, ose pjesë e lojërave të dyfishta që bëjnë liderët. Sipas tij, në rastin konkret, është shumë e vështirë të kuptosh arsyen e atyre dy votave, sepse shumica kishte vota të bollshme për t’a zgjidhur pa problem kreun e Kuvendit.
Zogaj: Sigurisht gjesti është i dënueshëm. Por mendoj se është bërë zhurmë më e madhe sesa e meritonte. Zhurma vjen për faktin se Partia Demokratike i ka nervat e zbuluara brenda saj dhe rretherrotull saj. Ka 50-të raste që kanë ndodhur, nëse zgjedhja e Gramoz Ruçit do përcaktohej nga ato dy vota, do ishte një skandal.
Shiko videon:
