Fejesa e saj me një djalë biznesmen bëri bujë pak ditë më parë në media pas një fotoje që make up artisja Linda Rei postoi në Instagramin e saj me një unazë me gur të çmuar. Natyrisht, pak kohë pas fejesës, as për Lindën dhe as për partnerin e saj nuk është e lehtë ta jetojnë dashurinë në distancë, por paraprakisht kanë bërë një marrëveshje: ai do të vijë çdo javë dhe do qëndrojë për pak ditë.
Por sidomos natën e parë Massimo nuk mund të mungonte. Madje erdhi qysh të dielën për ta parë Lindën në provat gjenerale. E pyetur nga Alketa gjatë mbrëmjes së sotme, pas performancës, Linda tha se sonte, i dashuri i saj ishte në sallë dhe ajo, përveç emocioneve, ishte shumë e lumtur që edhe ai e ndoqi live nga salla e Tv Klan – sikur të mbartte një pjesë të emocioneve të saj.
Ndërsa pas spektaklit, duket që mezi e ka pritur të dashurën. Pas minuta pasi Linda la skenën, ka vrapuar për të marrë puthjen e urimit për natën e parë dhe mbështetjen për të gjithë sezonin në Dance. Jo vetëm Linda, por edhe i fejuari do ta shijojë javë pas jave emocionin e DWM në prapaskenë. /revistaclass
