Radio Televizioni publik Shqiptar ka fituar të drejtat e transmetimit televiziv të Ligës së Kampionëve.
Për tre sezone radhazi, kompeticioni më i rëndësishëm i klubeve në Europë do të transmetohet në RTSH, pa pagesë.
Lajmi u dha nga vetë RTSH-ja në faqen e tij zyrtare.
“Radio Televizioni Shqiptar do të transmetojë UEFA Champions League për sezonet 2021-2022, 2022-2023 dhe 2023-2024. Televizioni publik fiton tenderin e të drejtave televizive organizuar nga UEFA dhe tashmë ka nënshkruar zyrtarisht kontratën për paketën e transmetimit pa pagesë në territorin shqiptar duke filluar nga muaji Gusht i vitit të ardhshëm”, njofton RTSH.
Ndër të tjera ata theksojnë se për të realizuar këtë projekt është “bërë një sakrificë të madhe financiare”. /Opinion.al
