Politikë

“Rrofsh sa malet!”/ Rama batuta në Vorë, i përgjigjet edhe opozitës


Bëhu pjesë e Grupit Zyrtar të Opinion.al
>> KËTU <<
               Publikuar në : 12:52 - 20/01/21 |
Opi Nion

Kryeministri i vendit Edi Rama ishte i pranishëm ditën e sotme në kantierin e ndërtimit në Vorë, ku tha se në kohën kur morën pushtetin e gjetën vendin njësoj si ditën pas tërmetit.

I shoqëruar nga ministri për Rindërtimin, Arben Ahmetaj si dhe ministrja, Elisa Spiropali, kreu i qeverisë iu përgjigj edhe akuzave të opozitës se në Vorë nuk është bërë asnjë punim.

Rama tha se se “punën e shohin ata që duan ta shohin”. Po ashtu kryeministri  është ndalur edhe ka shkëmbyer edhe batuta me banorët e zonës.

 “Kjo puna e kantiereve është tamam si cikli qeverisës. Pas 7 vitesh ne e gjetëm si ditën tjetër të tërmetit, nga pikëpamja e ekonomisë, e rrëmujës, e gropave, e pirgjeve me rrënoja në çdo sistem, në shëndetësi, në arsim e administratë. Sot ne jemi në fazën përmbyllëse të punës, duke hedhur themelet, janë hapur akset kryesore, vazhdon pastrimi dhe rindërtimit. Është tamam zgjedhja; të vazhdojë dhe të përfundojë, apo të kapen ekskavatorët dhe të kthehen në kioska dhe ato lugës të marrin pas Shqipërinë.”, tha Rama.

Banori: Ti shyqyr që na sajdise, ke ardhur dy herë. Faleminderit për ça keni bërë, edhe për popullin.

Rama: Për çfarë?! Avash avash, do t’i bëjmë të gjitha

Banori tjetër: Rrofsh, më bërë me shtëpi të reja. Rrofsh sa malet.

Rama: Jo sa malet jo. Sa ta kemi kismetin. Të përqafoj në distancë.

Ahmetaj: Këtu para një jave erdhën nga opozita dhe kanë thënë se; këtu nuk është bërë asnjë punë. Larg cinizmit, do ftoja ndonjë nga ata të opozitës që t’i prek gjërat dhe të vijnë në këto ture inspektimi për të parë realitetin.

Rama: Po lere mo, ça do shohin ata fare. Të shikojnë ata që shikojnë. Ai që s’do, nuk shikon./ Opinion.al

Pas