Kryesore

Rritja e pagave/ Meta: Kryeministri ose nuk njeh ekonominë ose gënjen


Bëhu pjesë e Grupit Zyrtar të Opinion.al
>> KËTU <<
               Publikuar në : 17:53 - 07/10/20 |
Al Do

Presidenti Ilir Meta, me anë të një postimi në Facebook, deklaron se “kryeministri i vendit ose nuk e njeh ekonominë ose gënjen”.

Duke marrë shkasë nga shifrat e publikuara nga kryeministri Rama, i cili argumentoi rritjen e pagave në Shqipëri duke krahësuar fondin e pagave të vitit 2006 me atë të vitit 2021, presidenti shkruan se ky krahasim nuk është tregues për rritjen e pagave.

Kreu i shtetit i referohet shifrave të INSTAT dhe argumenton se pagat mesatare në sektorin shtetëror rritur mesatarisht për çdo vit 3.7 herë më shumë në periudhën 2006-2013, krahasuar me periudhën 2013-2020.

“Pyetjes a janë rritur pagat, Kryeministri i përgjigjet me një krahasim të fondit të pagave, që në fillim të vitit 2021 krahasuar me vitin 2006, fondi i pagave pritet të kalojë nga 45.5 miliard lekë, në 71.1 miliard lekë ose një rritje 56%.

I kujtojmë se është një fatkeqësi që Kryeministri i vendit ose nuk e njeh ekonominë ose gënjen.

Fondi i pagave nuk është tregues për rritjen e pagave.

Zoti Kryeministër, sipas të dhënave të INSTAT, paga mesatare në sektorin shtetëror në vitin 2006 është 28822 lekë, ndërsa në vitin 2013 arrin në 52150 lekë ose një rritje prej 81% me një rritje vjetore mesatarisht 11.6%.

Ndërsa në tremujorin e dytë të vitit 2020 paga mesatare arrin në 63826 lekë ose një rritje krahasuar me vitin 2013, në 22%, me një rritje mesatare vjetore prej 3.1%.

Pra si shikohet pagat janë rritur mesatarisht për çdo vit 3.7 herë më shumë në periudhën 2006-2013, krahasuar me periudhën 2013-2020.

Qytetarët shqiptarë meritojnë transparencë maksimale dhe jo mashtrime elektorale!”, shkruan presidenti Meta. /Opinion.al

Pas