Rritja e numrit të viktimave dhe i rasteve të reja me COVID-19, ka bërë që autoritetet në Rusi të rikthejnë masat kufizuese.
Në kuadër të kësaj situate presidenti Vladimir Putin njoftoi një javë pushim për punonjësit si dhe kufizime për qarkullimin e qytetarëve prej 30 tetorit, si mas për të frenuar përhapjen e shpejtë të virusit.
Ndërkohë një ditë më parë ministria e Shëndetësisë ka raportuar për 1,028 viktima nga koronavirusi, shifra më e lartë në Rusi që prej fillimit të pandemisë.
“Tani për tani, është e rëndësishme që të zvogëlohet kulmi i valës së re të pandemisë”, tha Putin.
Ndër të tjera ai ka theksuar se nga 30 tetori deri më 7 nëntor, masat kufizuese mund të zgjerohen edhe në rajone të caktuara./ Opinion.al
