Në një kohë kur tensioni midis Shteteve të Bashkuara dhe Iranit është në kulmet e saj, Parlamenti i Iranit miratoi një ligj që i klasifikon të gjitha forcat e ushtrisë amerikane si terroriste.
Agjencia iraniane e lajmeve ISNA tha se 173 nga 215 ligjvënës votuan pro ligjit, ndërsa ky është një hap që vjen pasi Shtetet e Bashkuara, më 8 prill, shpallën ushtrinë e Iranit, e quajtur Garda Revolucionare e Iranit, organizatë të huaj terroriste.
Ligji i ri i miratuar në Iran kërkon nga Qeveria e Republikës Islamike të ndërmarrë masa kundër qeverive të tjera që e mbështesin vendimin e SHBA-së për Gardën Revolucionare, si Arabia Saudite, Bahrejni dhe Izraeli.
Tensionet midis Teheranit dhe Uashingtonit janë rritur ndjeshëm pasi presidenti amerikan, Donald Trump, tërhoqi SHBA-në nga një marrëveshje bërthamore me Iranin, vitin e kaluar, duke rikthyer sanksionet ekonomike ndaj këtij vendi, ndërsa jo më larg se dje administrata amerikane deklaroi se do të ushtrojë sanksione ndaj të gjithë vendeve që do të vazhdojnë importin e naftës nga Irani, pas datës 2 maj.
Vendet që mund të preken nga saksionet janë disa prej vendeve më të rëndësishme në botë, si Kina, India, Japonia, Italia, Korea e Jugut, Taivani, Turqia dhe Greqia./Opinion.al
