Më shumë se 80,000 turistë kanë mbetur të bllokuar në një zonë turistike në Kinë për shkak të përhapjes së koronavirusit.
Autoritetet vendase anuluan të gjitha fluturimet dhe trenat nga Sanya, i njohur ndryshe si “Hawaii i Kinës”, të shtunën, një ditë pasi u konfirmuan 263 raste pozitive.
Udhëtarët tani duhet të paraqesin pesë teste negative PCR gjatë shtatë ditëve përpara se të lejohen të largohen, shkruan BBC News.
Kina është i vetmi shtet që ende ndjek një politikë “zero Covid-19”. Kina ka regjistruar më pak se 15,000 vdekje që nga fillimi i pandemisë, sipas Universitetit Johns Hopkins. Sidoqoftë, ka pasur shqetësime për ndikimin e rregullave të rrepta, përfshirë testimin masiv dhe bllokimet lokale, në ekonomi./Opinion.al
