Bota

Rriten kërkesat për frigoriferët që do të ruajnë vaksinat e COVID-19


Bëhu pjesë e Grupit Zyrtar të Opinion.al
>> KËTU <<
               Publikuar në : 14:09 - 21/11/20 |
Opi Nion

Kompania më e madhe në botë për prodhimin e pajisjeve klimatike Binder, së fundmi ka pasur kërkesa të mëdha për shitjen e frigoriferëve me temperaturë shumë të ulët, të cilët do të mundësojnë ruajtjen e vaksinave të Covid-19.

Binder Peter, pronari i kompanisë është shprehur se: “Siç mund ta merrni me mend, kërkesa për këto pajisje ka shpërthyer gjatë javëve të fundit. Dhe sigurisht që ne duam të kënaqim të gjithë klientët.”

Këtë javë, Pfizer dhe BioNTech njoftuan se vaksina e tyre kundër Covid-19 ishte 95% efektive dhe se nuk kishte efekte anësore. Nga ana tjetër, ruajtja e vaksinës në ambiente shumë të ftohta është një pengesë për të gjitha spitalet kudo në botë.

Sipas Binder, frigoriferët e kompanisë së tij, mundësojnë ruajtjen e vaksinës në temperatura -90 gradë ose -70 gradë edhe në qoftë se temperatura e ambientit mund të jetë 20 ose 25 gradë.

Në rast të ndërprerjes së energjisë elektrike, kompania siguron se frigoriferët do të ruajnë ngrirjen edhe për 24 orë shtesë.

Nga ana tjetër, ndryshe nga vaksina e Pfizer, Moderna tha këtë javë se vaksina e saj pritet të jetë e qëndrueshme në temperaturat standarde të frigoriferit prej 2 deri në 8 gradë Celsius për 30 ditë./ Opinion.al

Pas