Aktualitet

Rrezikon bllokimin, Kuvendi tërheq shpalljen e vakancave në KLGJ dhe KLP


Bëhu pjesë e Grupit Zyrtar të Opinion.al
>> KËTU <<
               Publikuar në : 13:55 - 16/10/20 |
Al Do

Institucionet e reja të drejtësisë rrezikojnë të hyjnë sërish në krizë, pasi Kuvendi është tërhequr nga vendimi për shpalljen e vakancave për Këshillin e Lartë të Prokurorisë dhe Këshillin e Lartë Gjyqsor.

Kuvendi i Republikës ka anuluar vendimin “Për shpalljen e vendeve vakante nga kandidatët nga trupa e pedagogëve të fakulteteve të drejtësisë dhe të shkollës së magjistraturës për anëtarët e Këshillit të Lartë Gjyqësor dhe Këshillit të Lartë të Prokurorisë”.

Llogaritja kohore për përfundimin e mandatit të anëtarëve aktualë të KLP dhe KLGJ ka sjellë përplasjen e këtyre institucioneve dhe Kuvendit.

Kuvendi kishte shpallur nga dy vende të lira në secilin nga institucionet. Në Këshillin e Lartë të Prokurorisë janë ato të Gent Ibrahimit, aktuarlisht kreu i KLP dhe Sandër Becit, ndërsa vakancat në Këshillin e Lartë Gjyqësor janë ato të Maksim Qokut dhe Erjon Muharremajt.

Kuvendi konsideronte fundin e mandatit 3-vjeçar të katër anëtarëve aktualë shkurtin e vitit 2021. Ndërsa KLP vendosi llogaritjen e mandatit të anëtarëve duke vlerësuar se, referuar ditës së nisjes së funksionit të Këshillit në dhjetor 2018, mandati 3-vjeçar i pesë prej anëtarëve përfundon në dhjetor 2021.

Tërheqja e Kuvendit nga vakancat rrezikon të paralizojë punën e KLP dhe KLGJ dhe bashkë me to një sërë proceses të rëndësishme të sistemit të drejtësisë që ka në themel këto dy institucione./ Opinion.al

Pas