Kryeministri Rama nuk e cilësoi një hap pas aplikimin e sistemit ETIAS për lëvizjen drejt zonës Shengen për qytetarët shqiptarë.
Ditën e djeshme u bë me dije rregulli i ri i cili pritet të hyjë në fuqi në fund të vitit 2022. Sipas tij, qytetarët shqiptaë që do të udhëtojnë drejt vendeve të zonës Shengen duhet të aplikojnë për një ETIAS, megjithëse regjimi i vizave është hequr.
Për të lexuar më shumë për ETIAS klikoni këtu
Kryeministri sqaroi se ky nuk është një hap pas por vetëm një sistem sigurie i BE për vendet të cilave iu lejohet hyrja në hapsirën e saj pa viza.
“Ka që në 2016 që flitet për këtë, tani thonë do bëhet ne 2022. Por nuk bëhet fjalë fare për ndonjë kthim pas. Një sistem sigurie të BE për të gjithha shtetet jo anëtare të BE, qytetarët e të cilëve duan të hyjnë në BE e s’kanë nevojë për vizë. Jemi në një shoqëri që besoj s’ka të sharë me amerikanët, zviceranët, britanikët, japonezët, që sipas këtij sistemi ETIAS në mos gabohem quhet do duhet qe para se të nisen për në BE të bëjnë një aplikim online në pak minuta. Aplikimi s’është për vizë, ai futet në sistem e ti merr konfirmimin po online në një kohë të shkurtër nëse je apo jo i lejuar të hysh në bazë të kartelës kriminale, s’ka lidhje kjo me qytetarët që s’kanë kartelë kriminale të lidhur me terrorizmin apo krimin e organizuar. E gjitha është për shtetet që s’kanë nevojë për viza për të hyrë në BE, nuk është kthim mbrapa tek viza sic me siguri do predikohet nga gjithë ata që duan të përhapin erën e pustës digjitale në Gjirin e Lalzit”, tha Rama./ Opinion.al
