Cristiano Ronaldo është padyshim një nga lojtarët më të mirë të historisë së futbollit, cili ka ditur të fitojë, madje edhe atëherë kur duket e pamundur për shkak të dëmtimeve.
Zv/presidenti i Juventusit, Pavel Nedved, është shprehur se bardhezinjtë kanë pasur shumë vështirësi që të bindin Ronaldon që të mos luante në ndeshjen ndaj Milanit, pasi ishte i dëmtuar.
“Na u desh ta ndalnim atë. Ai natyrisht do të jetë gati për ndeshjen e parë çerekfinale në Champions League kundër Ajaxit”, zbulon Pavel Nedved.
Pavarësisht mungesës së yllit portugez, Juventusi e vendosi njërën dorë te titulli i radhës kampion në Serie A, pasi mposhti Milanin me rezultatin 2:1.
Cristiano Ronaldo u dëmtua pak kohë më parë, teksa ishte duke luajtur me skuadrën kombëtare portugeze kundër Serbisë./ Opinion.al E.Xh.
