Mbrëmjen e së shtunës Policia e Divjakës ka arrestuar një person i cili kishte qëlluar me sende të forta kushëririn e tij.
Sipas burimeve të policisë shtetasi S.XH, 61 vjeç banues në Divjakë ka goditur me sende të forta djalin e xhaxhait të tij M.Xh. I lënduari ndodhet në Spitalin e Lushnjës nën kujdesin e mjekëve dhe jashtë rrezikut për jetën.
Pas konfliktit me djalin e xhaxhait, 61-vjeçari ishte larguar nga vendngjarja por ai u kap në mbrëmje nga policia. Mbi të rëndon akuza për veprën penale “Dhunë në familje”.
Policia raporton gjithashtu se në fshatin Poçem të Ballshit ka ndodhur një vjedhje në banesën e shtetasit M.Z, 39 vjeç ku janë marrë një sasi parash që nuk bëhet e ditur.
Autorët nuk janë kapur ende ndërkohë që grupi hetimor po punon për identifikimin e tyre. /Opinion.al
