Pasditen e sotme kryeministri Edi Rama i shoqëruar nga ambasadori i BE në vendin tonë, Luigi Soreca, kanë vizituar një fidanishte në Roskovec.
Rama shkruan në “Facebook” se pronari i kësaj sere të madhe fidanësh në Roskovec, u kthyer nga emigrimi dhe ka përfituar nga mbështetja e AZHBR nëpërmjet Programit IPARD II me financim të BE, për të implementuar një teknologji bashkëkohore për kultivimin e fidanëve në sera.
“Roskovec – Me ambasadorin e Bashkimit Europian, në fidanishten e Mikelit, djalit frymëzues dhe inkurajues për të gjithë të rinjtë në sektorin bujqësor i kthyer nga emigracioni ai ka përfituar mbështetje nga AZHBR nëpërmjet Programit IPARD II me financim të BE, për të implementuar një teknologji bashkëkohore për kultivimin e fidanëve në serra.”-shkruan Rama./Opinion.al
