“Ka ikur koha kur Shqipëria reklamohej në mediat e huaja si një vend i mbushur me mbeturina, kemi hyrë në një rrugë tjetër”.
Kështu ka shkruar kryeministri Edi Rama në rrjetin e tij social “Facebook”, ndërsa bën me dije se turizmi në Shqipëri është promovuar dhe në median e huaj të CNN. Ndërsa, bashkangjitur postimit të tij, kreu qeverisë, Rama ka vendosur dhe linkun e artikullit në të cilin shkruhet për Ksamilin, Himarën, Dhërmiun, si disa prej vendeve të cilat duhen vizituar mes perlave të Europës.
“EDHE CNN fton ndjekësit e vet të provojnë Ksamilin, Himarën, Dhërmiun, mes perlave të Europës.
Ky është edhe sezoni turistik me mbulimin më të madh në mediat ndërkombëtare.
Koha kur Shqipëria verore dilte tek-tuk në ndonjë media të huaj, si vend i mbushur me plehra i përket të kaluarës, tanimë kemi hyrë në një rrugë të re.
Na duhet shumë punë akoma në këtë rrugë, por e dimë ku duam të shkojmë, si shkohet aty ku duam dhe se sa të mëdha i kemi dëshirën, energjinë e durimin për t’ia dale”, shkruan Rama/Opinion.al
