CEO i Niantic, John Hanke lajmëroi se loja shumë popullore këto kohë Pokemon Go do të luhej edhe duke përdorur Apple Watch.
Aplikacioni do t’i lejonte lojtarëve ta luanin lojën pa pasur nevojë të lidhen me aplikacionin në celularin e tyre për të detektuar pokemonët e afërt, apo pozicionet e tjera në hartë.
Ai do t’ju lajmërojë vetë kur është afër një Pokemoni, si dhe do të shfaqë në ekran distancën e përshkuar dhe të llogarisë kaloritë që keni harxhuar.
Por duhet të kini parasysh, që kur të jeni afër një Pokemoni, ju duhet të përdorni celularin për ta kapur atë.
Kompania shtoi se të gjithë lojtarët gjithsej kanë ecur për më shumë se 4.6 miliardë kilometra duke e luajtur lojën, e cila do të ofrohet edhe në Apple Watch para fundit të këtij viti, percjell krokodili.
