Ylli i Liverpool, Luis Diaz është ribashkuar me babain e tij Luis ‘Mane’ Diaz, për herë të parë që kur ai u rrëmbye në Kolumbi dhe u mbajt peng për 12 ditë.
Sulmuesi kolumbian ishte tepër i emocionuar dhe nuk i ka mbajtur lotët, teksa është fotografuar duke u përqafuar me të atin.
Sulmuesi i Liverpool është kthyer në atdheun e tij përpara pushimeve ndërkombëtare të nëntorit. Të martën në mëngjes ai udhëtoi për në qytetin e Barranquilla për t’u ribashkuar me familjen.
Diaz Snr dhe gruaja e tij Cilenis Marulanda, e cila u lirua menjëherë pasi u mor peng, më 28 tetor u rrëmbyen në rrugët e Kolumbisë nën kërcënimin e armëve nga katër burra të armatosur me motoçikleta.
Anëtarët e armatosur të grupit gueril të krahut të majtë “Ejercito de Liberation Nacional” (ELN) e mbajtën babain e futbollistit në robëri për gati dy javë derisa u lirua të enjten e kaluar.
