Sikurse ishte njoftuar nga autoritetet procesi i riatdhesimit të shqiptarëve të mbetur jashtë kufijve, do të nisë të shtunën.
Ministria e Infrastrukturës dhe Energjisë ka publikuar kalendarin e fluturimeve që do të kryhen gjatë fundjavës, dhe ku përveç Romës që ishte njoftuar për të shtunën, shihet edhe një fluturim nga Stambolli. Madje është pikërisht ky qytet, që do të nisë procesin e riatdhesimeve, mëngjesin e datës 18 Prill.
Në po këtë datë parashikohet edhe fluturimi nga Roma, ndërkohë që të dielën më datë 19 Prill, parashikohet riatdhesimi i shqiptarëve nga Milano.
Oraret
18 Prill
Stamboll – Tirane 07:40- 09:25 / Tirane – Rome 15:00 – 16:25 / Rome – Tirane 17:30- 18:55
19 Prill
Tirane- Milano 15:00- 17:05 / Milano- Tirane 18:10 – 20:15
Të gjithë shtetasit shqiptarë që duan të rikthehen kanë kryer rezervimin e hotelit ku do të karantinohen për 14 ditë dhe rezervimin e biletës, përmes faqes online të Air Albania.
Në ditët në vijim, janë parashikuar fluturime riatdhesimi edhe nga vende të tjera të Europës, kjo varësisht aplikimeve dhe kërkesave të qytetarëve për t’u kthyer. /Opinion.al
