Kronikë

“Restart”/ Arrestohet i 20-ti i grupit të trafikantëve, iu kap 8 kg kanabis



Bëhu pjesë e Grupit Zyrtar të Opinion.al
>> KËTU <<
               Publikuar në : 10:15 - 19/06/22 |
Opi Nion

Policia njofton se është finalizuar faza e tetë e operacionit policor të koduar “Restart”, startuar shtatë muaj më parë.

Bëhet me dije se në kuadër të këtij operacioni është arrestuar një 22-vjeçar si dhe janë sekuestruar 8 kilogramë të tjera lëndë narkotike kanabis dhe 550 gramë kanabis në formë çokollate.

Autoritetet njoftojnë se ka shkuar kështu në​ 20 numri i të ndaluarve, në 493.5 kilogramë lëndë narkotike kanabis dhe 550 gramë kanabis në formë çokollate, sekuestruar në kuadër të këtij operacioni, për goditjen e një grupi kriminal në fushën e shpërndarjes dhe trafikimit të lëndëve narkotike në drejtim të shtetit grek.

Në bazë të informacioneve të grumbulluara se 22-vjeçari Fatjon Islami, banues në Elbasan do të transportonte një sasi droge, forcat e Policisë organizuan punën dhe bënë lokalizimin e mjetit tip “Volksëagen”, me drejtues 22-vjeçarin, në qytetin e Bilishtit. Gjatë kontrollit të ushtruar në automjet, u konstatua 1 çantë sportive e zezë, brenda së cilës u gjetën e sekuestruan në cilësinë e provës materiale 8 kg lëndë narkotike kanabis dhe 1 pako tjetër me peshë 550 gramë kanabis në formë çokollate.

Në bashkëpunim me Prokurorinë, po vijojnë hetimet për dokumentimin e plotë të ngjarjes.

Materialet i kaluan Prokurorisë së Rrethit Gjyqësor Korçë, për veprën penale “Prodhimi dhe shitja e narkotikëve”.

Pas