Gjatë ditës së sotme moti në vendin tonë do të karakterizohet nga vranësira në të gjithë territorin dhe rënie të menjherëshme të temperaturave të ajrit që në orët e para të mëngjesit.
Parashikohet që vranësirat të pësojnë zhvillime të shpeshta duke gjeneruar reshje shiu në ultësirën perëndimore, ku herë pas here reshjet do të jenë edhe në formë rrebeshi. Ndërsa në zonat malore Veriore dhe Juglindore të Shqipërisë parashikohet që të ketë reshje dëbore.
Sipas MeteoAlb, temperaturat e ajrit do të pësojnë rënie të ndjeshme në mëngjes dhe në mesditë duke u luhatur nga -2 gradë celsius deri në 12 gradë celsius.
Era do të fryjë e lehtë dhe mesatare me shpejtësi 45 kilometra në orë nga Juglindore duke sjellë në brigjet detare dallgëzim 3 ballë.
