Vijon të rritet numri i të infektuarve me COVID-19 në Greqi. Gjatë 24 orëve të fundit autoritetet shëndetësore në shtetin fqinj, bëjnë me dije se janë shënuar 6.808 persona të infektuar.
Po ashtu, bëhet me dije se kanë humbur jetën 42 qytetarë, duke e çuar numrin në total, që prej fillimit të pandemisë në 16.151.
Në njësitë e kujdesit intensiv, ndodhen të shtruar 441 pacientë, gjendja e së cilëve sipas mjekëve është e rënduar.
Nga pacientët e intubuar, 369 janë të pavaksinuar ose pjesërisht të vaksinuar dhe 72 janë plotësisht të vaksinuar./ Opinion.al
