Politikë

Reforma zgjedhore, PS ftesë zyrtare demokratëve


               Publikuar në : 15:04 - 09/10/19 |
el ida

PS i bëri ftesë Partisë Demokratike, të marrë pjesë në mbledhjen e rradhës që Komisioni i Posaçëm i Reformës Zgjedhore do të mbajë këtë të enjte në Kuvend.

Bashkëkryetari i këtij Komisioni, Damian Gjiknuri i është drejtuar sekretarit për Çështjet zgjedhore në PD, Ivi Kaso, i cili ishte edhe përfaqësuesi kryesor i opozitës në tryezën e organizuar nga OSBE një javë më parë.

“I nderuar z. Kaso, Komisioni i Posaçëm Parlamentar për Reformën Zgjedhore do të zhvillojë një mbledhje ditën e enjte, datë 10 tetor 2019, në orën 10:00, me rend dite: ”Diskutimi mbi ecurinë e axhendës së punës së komisionit dhe konkluzionet e tryezës së organizuar nga OSBE, më datë 25 shtator mbi sistemin zgjedhor.”, thuhet ndër të tjera.

Ndërkaq Ivi Kasa në një reagim për mediat ka theksuar se qëndrimi i opozitës vijon të mbetet ai i shprehur në platformën e bërë publike në Konferencë. Partia Demokratike përmes kreut të demokratëve, Basha i ka kërkuar qeverisë të japë një përgjigje për propozimin e opozitës së Bashkuar për reformën zgjedhore. Kryedemokrati është shpehur me bindje se pa prezencën e Partisë Demokratike, reforma zgjedhore nuk mund të miratohet në Parlament./Opinion.al

Pas