Kryesore

Reforma zgjedhore dhe territoriale, si do të funksionojnë komisionet e posaçme



Bëhu pjesë e Grupit Zyrtar të Opinion.al
>> KËTU <<
               Publikuar në : 13:53 - 10/02/22 |
Opi Nion

Kuvendit do të ngrejë dy komisione të posaçme për reformën territoriale dhe atë zgjedhore të kërkuar nga PD. Komisionet do të kenë një afat kohor prej 6 muajsh, ndërsa do të përbëhet nga dy bashkëkryetar, një nga qeveria dhe një nga opozita.

Komisioni i Posaçëm për reformën territoriale, në veprimtarinë e tij, do të zhvillojë konsultime dhe seanca diskutimi me ministrinë përgjegjëse për çështjet vendore, me përfaqësues të qeverisjes vendore dhe të shoqatave të zgjedhura vendore, ekspertë të fushës, të shoqërisë civile dhe përfaqësues të organizatave ndërkombëtare që mbulojnë çështjet e qeverisjes vendore.

Komisioni i Posaçëm për reformën zgjedhore do të ngrihet mbi bazën e barazisë pozitë-opozitë. Në përbërje të tij do të ketë 16 anëtarë, nga të cilët 8 janë përfaqësues të grupit parlamentar të Partisë Socialiste  dhe 6 përfaqësues të grupit parlamentar të Partisë Demokratike, 1 përfaqësues i grupit parlamentar “Aleanca për Ndryshim” dhe 1 përfaqësues i grupit parlamentar “Demokraci dhe Integrim”.  Emrat e anëtarëve të tij përcaktohen me vendim të Kuvendit.

Pranë Komisionit ngrihet Grupi i Ekspertëve Teknikë. Përbërja dhe mënyra e funksionimit të tij përcaktohen me vendim të Komisionit të Posacëm Parlamentar.

Çdo parti që përfaqësohet në komision për reformën zgjedhore, ka të drejtë të propozojë amendamente për diskutim dhe miratim. Palët duhet të angazhohen të gjejnë konsensusin në lidhje me to. Për cështje të vecanta, për të cilat palët nuk kanë gjetur konsensus, do të vlerësohet dhe kërkohet asistenca e ekspertizës së OSBE/ODIHR-it dhe Komisionit të Venecias.

 

Pas