Lefter Maliqi, i cili u ul në karrigen e Lulzim Bashës në Kuvend, ishte i pari që foli në foltore si deputet pas betimit.
“Fati që zura edhe vendin e kryetarit me mandat të dhuruar të Partisë Demokratike dhe jam i bindur që brenda dy muajve, rreshti këtej nga opozita do të jetë plot. Të mos kujtojnë ata që kanë dalë jashtë se janë më të mirë sesa ne që jemi këtu”, u shpreh Lefter Maliqi.
Por siç duket kjo dhe “tradhtitë” e tjera nga listat e kandidatëve kanë bërë kryedemokratin të reflektojë. Kreu demokrat Lulzim Basha në një takim me artistët do të deklaronte: “Një reflektimi të thellë edhe brenda opozitës për sa i përket misionit tonë në kuptimin afatgjatë, që është në vlerësimin tim misioni i dhënies fund të përfaqësimit të interesave të publikut, nga njerëz që nuk e meritojnë dhe e shpërdorojnë besimin publik. E që në ballë të ndryshimit që duam të gjithë dhe presin të gjithë Shqipëria, të mos jenë maliqërit, por të jetë elita intelektuale”.
Deri më tani janë 11 nga kandidatët e opozitës që kanë marrë mandatin, ndërsa 3 deputetë nuk kanë pranuar të heqin dorë. Nga LSI kanë qenë rrjedhjet më të shumta, ndërsa “gabimi” i Lulzim Bashës ishte se lista e PD për vitin 2017 rezulton të jetë me 194./Opinion.al
