Bota

Brexit shtyhet me tre muaj


               Publikuar në : 19:37 - 14/03/19 |
geliano fataj

Deputetët në Mbretërinë e Bashkuar kanë votuar “pro” kërkesës për më shumë kohë për për Brexit. 412 vota pro dhe 202 kundër, bëjnë që kryeministrja Theresa May t’i kërkojë BE-së më shumë kohë.

Kjo do të thotë se Mbretëria e Bashkuar nuk mund të largohet më 29 mars, siç ishte planifikuar më parë.

May tha se Brexit mund të shtyhet me tre muaj, deri në 30 qershor, nëse deputetët e mbështesin marrëveshjen e saj në një votim javën e ardhshme.

Nëse ata refuzojnë marrëveshjen e saj, May thotë se do të kërkojë një zgjatje tjetër. Por çdo vonesë duhet të marrë OK dhe nga 27 shtetet e tjera anëtare të BE.

Procesi i daljes nga BE-ja ka hyrë në një periudhë të paqartësisë së madhe pasi parlamenti britanik rrëzoi dy marrëveshje, që parashihnin modalitetet e daljes së vendit nga BE-së.

Marrëvëshjet ishin arritur përmes negociatave të qeverisë britanike të udhëhequr nga Theresa May dhe udhëheqësve të Bashkimit Evropian.

Ndërkohë të mërkurën, ligjvënësit britanikë kanë votuar kundër largimit nga Bashkimi Evropian pa një marrëveshje paraprake. Me 321 vota për dhe 278 kundër ata i kanë bërë thirrje Qeverisë Britanike që të përjashtojë mundësinë e një Brexiti pa marrëveshje./Opinion.al

Pas