Aktualitet

Reciprociteti/Rama: E drejta është me Kosovën, pikë!Serbia bën mizën buall


Bëhu pjesë e Grupit Zyrtar të Opinion.al
>> KËTU <<
               Publikuar në : 10:58 - 27/09/21 |
Opi Nion

“Reciprociteti i targave është e drejtë legjitime e Kosovës dhe marrëveshje e arritur me kohë mes qeverisë së saj dhe të Serbisë”. Kështë është shprehur kryeministri Edi Rama për çështjen e reciprocitetit të targave mes Serbisë dhe Kosovës, në konferencën për shtyp të ditës së sotme..

Nga Prishtina, Rama deklaroi se ky konflikt mes dy vendeve duhet zgjidhur me dialog dhe se janë të gjitha mundësitë për ta bërë këtë.

“Është e drejtë legjitime  e Kosovës dhe marrëveshje e arritur me kohë mes dy qeverive. Qëndrimi i Shqipërisë që e gjykoj të qartë dhe që mbete i pandryshuar qysh nga çasti i parë që u shfaq ky konflikt. E drejta këtu është me Kosovën dhe pikë! Nuk është me Serbinë. Po e bën mizën buall a thua se qeveria e Kosovës ka paralajmëruar luftë, por thjeshtë po zbaton një marrëveshje. Askush nga partnerët e Kosovës nuk e diskutuan domosdoshmërinë e konsolidimit të reciprocitetit të targave, duhet bërë kujdes që çuarja e njësive special në atë zonë, të mos kthehet në një problem mes Kosovës dhe miqve ndërkombëtar. Qeveria shqiptare ndan bindjen se problemi duhet zgjidhur me dialog dhe janë të gjitha mundësitë për t’u bërë kjo. Demonstrimet ushtaraket duhet tja lënë vendin demonstrimeve të arsyes. I takon qeverisë së Kosovës të vendosin se si do ta trajtojnë më tej këtë situatë delikate, por kjo është mundësi e mirë për ta treguar edhe njëherë gatishmërinë për dialog të barabartë dhe për ta çuar dialogun në një nivele të ri”, tha Rama./Opinion.al

 

Pas