Rajoni

Reciprociteti me Serbinë, Kurti: Nuk ka vend për tension, jemi republikë paqësore



Bëhu pjesë e Grupit Zyrtar të Opinion.al
>> KËTU <<
               Publikuar në : 16:21 - 31/07/22 |
Opi Nion

Të gjithë shtetasit serbë që hyjnë në Kosovë, nga kjo e hënë nuk do të lejohen të shkelin territorin me dokumente të Serbisë, por do të pajisjen me një fletë-dokument për hyrje-dalje në vend.

Reciprociteti është i vlefshëm dhe për automjetet e regjistruara në Serbi, të cilat duhet të pajisen me targa të Kosovës për të kaluar kufirin. Këtë veprim, në partinë në pushtet, e shohin si të domosdoshëm, teksa kryeministri Albin Kurti u shpreh se nuk ka vend për tension: “Nuk ka kurrfarë vendi për tension. Nuk ka kurrfarë mundësie për destabilizim sepse po bëhet diçka legjitime, diçka legale. Ata që flasin për dhunë, ata që flasin për bllokime, ata që flasin për destabilizim, ata që flasin për tensione, flasin për vete. Nuk flasin për neve. Ata flasin për vete. Ne jemi republikë demokratike, parlamentare, paqësore dhe besoj që gjithçka do të shkojë siç është më së miri, ndërkaq edhe një herë përfitoj nga rasti që t’i ftoj të gjithë qytetarët e Kosovës, të cilët kanë targa të kohës së Millosheviçit, që t’i konvertojnë në targa legale e legjitime me akronimin e vendit tonë, të shtetit tonë të përbashkët, RKS”.

Por, nga opozita vendimet shihen si populiste, për t’iu shmangur problemeve reale. Besnik Tahiri, kreu i grupit parlamentar të AAK-së, tha: “Qeveria e Kosovës duhet të jetë shumë serioze, pasi nuk është serioze. Qeveria e Kosovës, me vendime populiste, po mundohet të mbulojë mospunën e vet në tema reale. Ajo po merret me populizma, ju e dini se është kjo qeveri që e hoqi reciprocitetin, hoqi taksën, është kjo qeveri që eksporti i Serbisë është më i madhi ndonjëherë që ka qenë. Po ashtu, është kjo qeveri që ka miratuar marrëveshjen për energjinë në veri, që më herët i ka thënë është legalizim i Serbisë në veri. Duhet t’i largojmë këto populizma dhe t’i kthehemi punës”.

Nga ana tjetër, zbatimi i këtyre vendimeve, sipas njohësit të procesit të dialogut, Gazmir Raci, nuk do të cenojë në tërësi vazhdimësinë e dialogut Kosovë-Serbi: “Nuk pres që zbatimi i marrëveshjes për targat të cenojë në tërësi dialogun, pasi edhe të kaluarën kemi pasur veprime që kanë qenë edhe më të vështira të ndërmarra nga ana e Kosovës, por dialogu ka vazhduar. Pasi Kosova dhe Serbia e kanë obligim edhe ligjor procesin e arritjes së marrëveshjes finale, nëqoftëse një ditë dëshirojnë të bëhen anëtare të BE-së. Andaj, palët në këto momente duhet t’i rikthehen tryezës së bisedimeve dhe të koncentrohen në arritjen e marrëveshjes finale sa më shpejt që të jetë e mundur”.

Një tjetër vendim i Këshillit të Sigurisë ishte dhe shtyrja e afatit për mbulimin e simboleve shtetërore serbe për automjetet që hyjnë në territorin e Kosovës, deri më 31 tetor.

Pas