Një nga ushqimet që preferojnë më së shumti fëmijët dhe adoleshentët janë picat. Por mos mendoni se të shijshme janë vetëm ato me proshutë a kërpudha. Nëse doni një ushqim që të mos u rëndojë shumë në stomak, ka ardhur koha të përdorni picat me lule kungulli.
Përgatitja: Shkrini majanë e birrës në qumësht, bashkë me sheqerin. Hidhni miellin në një enë dhe shtoni kripën dhe qumështin ku keni shkrirë majanë, bashkë me 2 lugë vaj ulliri ekstra të virgjër.
Shtoni rreth 250 ml ujë të ngrohtë dhe punojeni deri kur të përftoni një top brumi kompakt.
Ndajeni brumin në 6 topa të vegjël, të cilët i vendosni në tepsinë ku keni shtruar letër kuzhine dhe vendoseni tavën në furrë, me dritë ndezur dhe lëreni brumin të vijë për rreth një orë.
Pasi brumi të vijë bëni një shenjë në formë kryqi mbi topat e brumit, mbulojini me qese dhe lërini të pushojnë edhe një orë tjetër.
Hapeni brumin në formë rrethi me trashësi rreth gjysmë centimetri. Lani lulet e kungullit dhe shtrojini mbi petën e brumit, shtoni djathin mbi lulet e kungullit.
Sperkatini përsipër me pak vaj ulliri dhe piqini në furrën e parangrohur, për rreth 20 minuta, në 220 gradë.
Lëreni të ftohet pak dhe servireni.
