Real Madrid ka afruar në ekip mbrojtësin gjerman, Antonio Rudiger. 29-vjeçari ka nënshkruar një kontratë 4-vjeçare me klubin që sapo ka fituar Champions League, duke mbyllur aventurën te Chelsea.
Rudigerit i skadoi kontratë me londinezët, kështu që Real nuk shpenzoi për blerjen e tij.
Sipas “AS”, qendërmbrojtësi do të përfitojë rreth 10 milionë euro në sezon, po aq sa David Alaba.
Antonio Rudiger ka fituar me Chelsea 1 Champions, 1 Europa League, 1 Botëror Klubesh, 1 Superkupë Evrope dhe Kupë Anglie. Gjithashtu, është përfshirë në formacionin më të mirë të Champions League në dy edicionet e saj të fundit.
