Administratori i deleguar i Interit, Alesandro Antonelo ka reagur në një deklaratë zyrtare duke e cilësuar të papranueshëm referimin në humbjen e Interit ndaj Juventusit.
Për shkak të vendimeve të marra nga gjyqtari Daniele Orsato, skuadra e Interit ka reaguar pas derbit të zhvilluar të shtunën.
“Kanë ndodhur gjëra të pashpjegueshme dhe nuk jemi të acaruar por jemi shumë të mëriztur. Interi meriton respekt dhe këtë respekt e meritojnë edhe tifozët tanë” ka deklaruar Antonelo për “Inter Tv”.
Ndërkohë administrator ka folur ashpër për gjyqtarinn e takimit Orsato.
“Ajo që ndodhi ishte në sytë e të gjithëve, ndeshja u ndoq nga 80 mijë persona në stadium dhe 700 milionë të tjerë përpara televizorit nga 170 vende të botës. Sinqerisht gjykimi i Orsatos nuk ishte një reklamë e bukur për futbollin italian, madje ishte një reklamë shumë e shëmtuar. Jemi krenarë për paraqitjen e futbollistëve tanë, pasi kanë vendosur dhe të gjithë pasionin e tyre në fushë edhe pse ishim në inferioritet numerik. Publiku ka qenë gjithashtu i jashtëzakonshëm dhe na ka mbështetur nga fillimi deri në fund. Por nuk e kuptoj sesi një arbitër mund të gjykojë me dy standarte. Në futboll gjatë viteve të fundit kanë ndryshuar shumë gjëra, por ka edhe nga ato gjëra që nuk ndryshojnë asnjëherë. Ne pavarsisht gjithçkaje jemi krenarë për historinë e klubit tonë” ka shtuyar më tej, Alessandro Antonello.
Ndeshja midis Interit dhe Juventusit e luajtur në Giuzzepe Meazza të shtunën u mbyll me rezultatin 2-3.
