Të papriturat e motit, rënie temperaturash dhe reshje shiu

Temperaturat e larta gjatë këtyre ditëve na bënë të mendojmë se vera është në prag të derës, por vranësirat e orëve të para të mëngjesit të sotëm na kujtuan se pranvera e vera me një lule jo nuk vjen.
Sipas Meteoalb vranësirat dhe ulja e temperaturave do të vazhdojnë përgjatë gjithë javës duke sjellë shira të përkohshëm në pjesën më të madhe të territorit por kryesisht në zonat Lindore. Pjesa e dytë e javës sjell fuqizim të vranësirave në Shqipëri si edhe shira më të konsiderueshëm; ku herë pas here do të jenë në formën e rrebesheve afatshkurtra.
Temperaturat e ajrit do pësojnë një rënie me 3-4 gradë Celsius duke kapur vlerën minimale 13 gradë dhe maksimale 23 gradë.