Për të disatën ditë me radhë, Kina raportoi për rënie të numrit të rasteve të reja me koronavirus.
Autoritetet thanë se janë shënuar 31 raste të reja, prej të cilave 30 janë të importuara nga vendet e tjera. Sipas Komisionit Kombëtar Shëndetësor, shifra paraqet rënie me 45 për qind, krahasuar me një ditë më parë.
Autoritetet po ashtu thanë se vendi ka regjistruar katër viktima të reja nga koronavirusi, të cilat e çojnë në 3,304 numrin total të tyre.
Kina është vendi, ku mendohet se e ka origjinën koronavirusi dhe rastet e para janë shfaqur në fund të vitit të kaluar.
Që atëherë, ato janë përhapur në mbi 150 vende të botës dhe aktualisht numrin më të madh të të infektuarve e kanë Shtetet e Bashkuara, me mbi 143,000 raste.
Ndërsa numrin më të madh të viktimave e ka Italia dhe Spanja./Opinion.al
